الأربعاء، 22 ديسمبر، 2010

اول موضعاتى لمجلة فيس . كوم الماتش و الكافيه و المعلم و سب الدين

السلام عليكم و رحمة الله وبركاته قرائى الاعزاء مرت 9 شهور كاملة على اخر مرة استمتعت بالكتابة اليكم و لا اخفيكم اننى قد قررت داخل نفسى الا اعود الى التدوووووووين الا ان حبى الجارف لهذا العالم دفعنى دفعا الى العوووووودة فى الفترة المفضلة للكتابة و التدوين و الابتكارات او و لنسمى الاشياء باسمائها الملهيات احب ان اطمئن عليكم جميعا و ان يعود التواصل و تكون عودة اقوى و افيد لى و لكم و اترككم مع اول موضعاتى بالمجلة الشبابية الممتميزة فيس . كوم
بما انى شاب جامعى كووول وطبيعى انى بحب الكوره جدا النهارده الخميس كان فيه ماشتين ورا بعض

.....................................................................................


بما انى شاب جامعى كووول وطبيعى انى بحب الكوره جدا النهارده الخميس كان فيه ماشتين ورا بعض ماتش الاهلى و ماتش الزمالك و لان الامتحانات قربت فالوضع فى البيت ابتدا يتكهرررررررررررب و لازم تذاكر و رايح فين و جى منين و الامتحانات على الابواب ما يقفلو الابواب و يخلصونا المهم ابتديت افكر ازاى اروح اشوف الماتش ابتديت ارسم الخطه و الحمد لله كله تمام كلمت الشباب و حنروح كافتيريا سوا و الشيشه اتمنعت خلاص طبعا مصلحه عشان كنت بتخنق و ارجع بيتى ريحتى دخاااااان و السين و الجيم و السجاير حرام و مضره لصحتك مش قادرين يقتنعوا ان انا مقتنع بكده المهم اللى بوظ الخطه كلها الحاج طبعا هو فى غيره بقوله يا بابا انت نازل امته قالى لا قاعد بقا النهارده الخميس قلت اقضيه معاااااكم
يلا الخطه كده اضربت بالنار طب اقوله رايح اذاكر مع اصحابى و اروح اشوف الماتش و لا اقوله ايه اكذب اشتغله و حتعدى و لا ايه
ابويا مسك الجرنان و بصلى كده عشان كده بتسئلنى انا نازل و لا لا النهارده الاهلى حيلعب و الزمالك و ناااااوى تشوف الماتشات فين مع اصحابك الصيع دوووووووول برضو و لا حتذاكر لا قدر الله لسه كنت حكلم هو سبقنى وقال و لا اقولك صحيح ما نشوف الماتشات سوا
طب و بعدين فى الورطه ديه يا ربى
الدنيا اسودت و مش ناقصه عركات لسه الشباب داخلين المدرح و كانوا بيكلموا عن بر الوالدين و الواحد حس انه مقصر انا قولت فى سرى يارب سهل بقا و خليها تعدى
التليفون مبطلش رن و مش عايز ارد لانى مش عارف البوصله ماشيه ازاى شويه و احنا على الغدا الفرج جه
امى بتقول لابويا انت صحيح حتيجى معايا للدكتور كمان شويه صح ؟؟؟؟؟؟
انا رديت علطول طبعا يا ماما ده بابا لسه بيقولى انه فاضى
بابا قالها دكتور ايه اللى شغال يوم الخميس ده قالتله ده دكتور الاسنان الجديد يلا عيش يا حاج قولتلهم طب انا اتاخرت نزلت و رحت الكافيه و الماتش ابتدا و مش حقولكم عن جمال اللاعيبه بتقعد تفتكر مدرسة النور و الامل ومدارس التربيه الفكريخ و كده يعنى و الناس يا عينى دمها بيتحرق و يا تحرق سجاير يا تشتم اللى يقول يا عبيط يا اهبل طب اذا كان كده ماشى و ساعات تتظور تبقا يا ابن ال ........ و الناس تبصله فياخد باله يقولهم اصل هو مش ممكن طب هو وحش ايه ذنب الحاج و الحاجه يا عم لكن المشكله بقا كانت فى شاب كده قاعد لوحده و ابتدا يسب الدين قولنا له يا عم حررررام عليك قالنا لا طب ............. انت يا عم ديه مهما حصل كووووووره راح جى قال ............ كلكم . الناس هاجت عليه و صاحب الكافتيريا قاله معلش يا باشا قهوتى مفيهاش سب دين ابتدينا (الشله) نسقف القهوه كلها سابت الماتش و قعدت تسقف للمعلم الجدع و مرضاش ياخد ثمن المشاريب من الشاب و هو قام مشه
بصرررراحه يا جماعه لازم موضوع سب الدين ده يتلغى خالص من حياتنا رجعت و حكيت للحاج عن اللى حصل و ازاى الشله بتاعتنا اتصرفت قالى رجاله يا ابنى ابن ابوك بحق طب ما كنا صيع قبل ما انزل يلا اديها عدت و كل ماتش و انتم بخير

هناك 7 تعليقات:

عبد الرحمن يقول...

ماشي يا عمو
اللى يسبلك الدين سبله الـ.... اديله على دماغه :)))

ربنا يوفقك فى الامتحانات يا ريس

زهرة(جنى)الاسلام يقول...

السلام عليكم
معلش عذرا بس مليش فى الكورة انا لية فى حرب حجات مندية
عالعموم حمدلله على السلامة وان شاء الله منتظرين مواضيع حضرتك الشيقة

سلسبيل يقول...

ههههههههههه
أولا ً عودة كريمة أخى الفاضل
و رررررائعة ايضاً
كل ماتش و انت بخير
منتظرة باقى الموضيع
و ان شاء الله أكون من أول
المتابعين تحياتى لك

مرايتى يقول...

حمد الله على السلامه
نورت البلوجر من تانى

وربنا يخليلك الحاج ويطولك فى عمره يارب

وكل ماتش وأنت طيب
وربنا يهدى الجميع يارب

غير معرف يقول...

ثقافة الهزيمة .. عصابة البقرة الضاحكة‏ 4

قال المهندس عبدالحكيم عبدالناصر عقب جولته بقرى الأصلاح الزراعى فى إيتاى البارود : «للأسف الذين قاموا بالثورة لم يحكموا، والثورة لازم تكمل حتى لا يورث الأغنياء الغنى، والفقراء الفقر».

وأوضح أن عائدات قناة السويس منذ تأميمها بلغت نحو 73 مليار دولار، منها مليار واحد فى عهد عبدالناصر أقام به مشروع السد العالى، وكان يجب بناء 10 مشروعات مثله على الأقل، وقال: «لكن كلنا عارفين الفلوس راحت فين، وعارفين أننا بلد غنى يراد له الفقر». ...

باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى

www.ouregypt.us

غير معرف يقول...

ثقافة الهزيمة .. البحث عن الشمس‏

شركة سيارات صينية
Geely
و نظرا لفشلها فى أنتاج سيارة على مستوى عالى من الجودة تستطيع بها المنافسة فى الأسواق العالمية ، أشترت فى عام 2010 شركة فولفو السويدية لصناعة السيارات لتنقذها من الأفلاس ، وقاموا بنقل تكنولوجيا متقدمة إلى الصين. و يبلغ مرتب العامل بشركة السيارات الصينية 400 إيرو شهريا ، بينما فى السويد يتقاضى العامل 8 أضعاف هذا المرتب ، و تقوم الشركة الصينية الأن ببناء 3 مصانع لتصنيع سيارة فولفو فى الصين. و هذا مثال جيد لما ينبغى أن تفعله مصر لنقل التكنولوجيا المتقدمة سيما أن أجور العمالة منخفضة فى مصر ، و يمكن أن نعمل هذا مع شركات عالمية ألمانية لصناعة مستلزمات الطاقة الشمسية.

و للأسف أغلب بلاد العرب تغوص بالنفايات و القمامة ، بينما منذ أكثر من 50 عاما فى الخارج أوروبا و أمريكا يتم أعادة تدوير النفايات والذى لا يصلح يتم حرقه فى مصانع خاصة لأنتاج الطاقة ، و يعتمد عليها فى أنتاج جزء ليس هين من أحتياجات الطاقة. ليس لدينا هذه المصانع و هى رخيصة و لا حتى أحد يتكلم أو يكتب عن هذا الموضوع . هل نحتاج إلى 50 عام أخرى حتى تصل و تطبق هذه الفكرة فى مصر و البلاد العربية؟!!!

باقى المقال بالرابط التالى

www.ouregypt.us

Uouo Uo يقول...


thank you

سعودي اوتو