احنا مش خايفين

انقضى رمضان وقد ربح فيه من ربح وخسر فيه من خسر نسأل الله ان يجعلنا من الفائزين من الذين أعتق رقابهم من النار وحقيقة الامر اننى حين فتحت المدونة بعد غياب 10 أيام دارت فى ذهنى تدوينات كثييرة لذا اليكم تلك المواضيع المتعددة لنا ان شاء الله عدة تدوينات
1- تدوينة عن العيد .
2- تدوينة عن فترة الاعتكاف بعنوان " وكانت الفاجعة "( مش أكيد ) .
3- حل تاج تم تمريره لى من مدونة أختكم فى الله جزاها الله خيرا .
ولنبدأ بالتاج :
1- الحالة الجسمانية بمعنى هل سيادتك تتمتع بصحة جيدة ولا الاخ صاحب مرض ؟

لا الحمد لله اتمتع بصحة جيدة (كفاية أر )

2-الحاله الاجتماعية بمعنى هل علاقتك بمن حولك جيدة ولا عامل مشاكل مع طوب الارض ؟

أعتقد اننى شخصية اجتماعية ولكن هذا لا يمنع من وجود مشاكل .

3-الحاله العقلية بمعنى هل تشعر ان عقلك يعمل ولا حضرتك منيم دماغك ؟

غالبا منيم دماغى

4-الحاله العاطفية مش محتاجة تفسير ومش عايز استعباط ؟

انا عاطفى جدا وبحب كمان (خلى بالك ) فى الله واسمه اسلام

.5-الحاله الروحية بمعنى هل علاقتك بربنا كويسة ولا الكلام على ابو لهب ؟
أعتقد اننى مقصر جدا فى علاقتى مع الله ادعو لى .

الخمس اسئلة اللى جاية دى اسئلة متنوعة

الاول : اكتر عيب فيك ونفسك تتخلص منه ؟
سرعة الغضب

.الثانى : ايه الحاجة اللى عملتها وندمت انك عملتها قوى ؟
أكيد فى حاجات كتيرة ولكن اكثر حاجة انى جاوبت على التاج ده

.االثالث : اية الحاجة اللى لسة معملتهاش وحتموت وتعملها ؟

عدة امور
أتمنى ان أموت شهيدا (نسأل الله الاخلاص )
أتمنى أن أكون رجل اعمال ناجح أفيد الدعوة بمالى وعلمى .
أتمنى ان اتم حفظ كلام الله .
وغيرها أثرها فى نفسى .

الرابع : اكتر دعاء بتقوله وبتردده دائما؟

اللهم أقدر لى الخير حيث كان

الخامس : لو عرفت انك هتموت دلوقتى وقالولك اخر حاجة نفسك فيها ايه ؟

حصالح كل واحد زعلته
ملحوظة
نسيت اقولكم كل عام وأنتم بخير بمناسبة عيد الفطر المبارك أعاده الله علينا وقد حررنا المسجد الاقصى من دنس اليهود .